Punjabi Kavita
Lal Gir

Punjabi Kavita
  

Kafian Lal Gir

پنجابی کافیاں لال گر

1. مائی مینوں رہن نہ دیندے

مائی مینوں رہن نہ دیندے،
لے چلے لمبڑے دیس ۔ٹیک۔

راکھن ہار نہیں کوئی ساڈا،
بہت قبیلہ ہے کھیس ۔
ڈولی پیڑ کہاراں نے آندی،
ہو گئی میلے ویس ۔

نہ کتیا نہ داج رنگایا،
سانوں آ گیا لین جنیش ۔
اتن میری چرخی تے پیہڑی،
گوڑھے رہِ گئے شیش ۔

چلدی وار نہ ملیاں نی سئیاں،
نہیں جاندی کوئی پیش ۔
اوڑک نوں گھر سہرے دے جانا،
پیکے ن رہن ہمیش ۔

ہائیں مار پکاراں نی سئیؤ،
گل وچ کھلھڑے کیش ۔
لال گرا کچھ نہیں وس میرے،
جانا پیا پردیس ۔

مائی مینوں رہن نہ دیندے،
لے چلے لمبڑے دیس ۔
(پہاڑی کافی)

2. مائی ندیاں تارو نے ہوئیاں

مائی ندیاں تارو نے ہوئیاں،
کیسے جاواں میں پار ۔
ملا نہ کوئی تلہا نہ بیڑی،
سر پر میرے ہے بھار ۔ٹیک۔

کنڈھے بیٹھی کراں میں دلیلاں،
لہراں پین ہزار ۔
رو رو کوک سناواں کس نوں،
کوئی نہ سنے یہ پکار ۔

کون لنگھاوے دردی مینوں،
بیٹھی رہِ گئی ارار ۔
کپر کڑک ڈراوے سئیؤ،
راتیں نے اندھ غبار ۔

دنیاں میں کوئی میت نہ دیکھا،
سبھ مطلب کے ہیں یار ۔
ڈبے بہت تریگی تھوری،
نہیں کوئی لیکھ شمار ۔

ہوئِ کے نمانی آج،
مولٰی کی شرن پڑی ہوں میں ہار ۔
سائیں باجھ نہیں کوئی والی،
لال گرا دیوے تار ۔

3. مائی دیس بگانے

مائی دیس بگانے،
ساڈا چلدا نہیں کوئی زور ۔
اب کے سخی نی میں پر-وس ہوئی،
جیسے گڈی وس ڈور ۔ٹیک۔

غافل ہوئِ کے ستی جس ویلے،
لے گئے لٹ کے چور ۔
تب کا مینوں سکھ نہیں مائی،
جب کی دینی ڈولی ٹور ۔

محلاں دے وچ واس کریندی،
پل میں جا بیٹھی گور ۔
میں جانا نت رہانگی اکیلی،
اگے اتھے لکھ کرور ۔

چھوڈے تخت راج سنگ رانی،
دن دن آون ہور ۔
لال گرا مینوں اس دنیاں توں،
کال لے گیا وچھور ۔

مائی دیس بگانے،
ساڈا چلدا نہیں کوئی زور ۔
اب کے سخی نی میں پر-وس ہوئی،
جیسے گڈی وس ڈور ۔

4. مائی میں کملی دی

مائی میں کملی دی،
کون سنے اج کوک ۔
عاشق جاندے نی رستے سدھے،
جگت گیا سبھ چوک ۔ٹیک۔

انت سمیں کا کوئی نہیں والی،
تن سے نکلی جو پھوک ۔
درگہ جائ کھلے جس ویلے،
گئے نے شاہاں مکھ سوک ۔

اولھے بیٹھا مولٰی دیکھے،
مکھ سے ہویا موک ۔
جو نہ لیوے سار ساجن دی،
تس کے جنم کو تھوک ۔

جس مارگ سے عاشق لنگھدے،
پاچھے پیندی ہے ہوک ۔
لال گرا ڈھوئی اسکو ملدی،
جس کا سبھ دے نال سلوک ۔

مائی میں کملی دی،
کون سنے اج کوک ۔
عاشق جاندے نی رستے سدھے،
جگت گیا سبھ چوک ۔

(موک=چپّ، ڈھوئی=آسرا)

5. وے بین بجاکے

وے بین بجاکے
موہ لیا من مورا ۔ٹیک۔

کون دیس کا جوگی آہیا،
بھید نہ ملیا تورا ۔
بین تیری کوہی جادو والی،
کھینچ گئی دل ڈورا ۔

گل کھپھنی ہتھ کھپری تیرے،
پیر کھڑاواں کا جورا ۔
کون گورو کا چیلا ہویا،
لال گرا بھرم پھورا ۔

وے بین بجاکے
موہ لیا من مورا ۔