ਨਵਗੀਤ ਕੌਰ Navgeet Kaur

ਨਵਗੀਤ ਕੌਰ (28 ਫਰਵਰੀ 1972-) ਦਾ ਜਨਮ ਲੁਧਿਆਣਾ ਸ਼ਹਿਰ 'ਚ ਮਾਤਾ ਨਿਰਮਲਾ ਦੇਵੀ ਦੀ ਕੁਖੋਂ ਸ਼੍ਰੀ ਭਗਵਾਨ ਦਾਸ ਸ਼ਰਮਾ ਜੀ ਦੇ ਘਰ ਹੋਇਆ। ਉਹ ਪੰਜਾਬੀ ਕਵਿਤਾ, ਗੀਤ ਤੇ ਗ਼ਜ਼ਲ ਨੂੰ ਇੱਕੋ ਜਹੀ ਮੁਹਾਰਤ ਨਾਲ ਲਿਖਦੇ ਹਨ। 1994 'ਚ ਗੌਰਮਿੰਟ ਕਾਲਿਜ ਲੁਧਿਆਣਾ ਤੋਂ ਪੰਜਾਬੀ ਭਾਸ਼ਾ ਵਿੱਚ ਐੱਮ.ਏ. ਕਰਕੇ ਕੁਝ ਸਮਾਂ ਵੱਖ ਵੱਖ ਸਕੂਲਾਂ 'ਚ ਵੀ ਪੜ੍ਹਾਇਆ। ਨਵਗੀਤ ਦੀਆਂ ਲਿਖਤਾਂ ਅਕਸਰ ਪੰਜਾਬੀ ਅਖ਼ਬਾਰਾਂ ਤੋਂ ਇਲਾਵਾ ਸਾਹਿਤਕ ਰਸਾਲਿਆਂ 'ਚ ਪ੍ਰਕਾਸ਼ਿਤ ਹੁੰਦੀਆਂ ਰਹਿੰਦੀਆਂ ਹਨ। ਸਾਂਝੀ ਆਵਾਜ਼ ਰੇਡੀਓ ਮੈਲਬੌਰਨ (ਆਸਟਰੇਲੀਆ) ਤੇ ਆਲ ਇੰਡੀਆ ਰੇਡੀਓ (ਐੱਫ.ਐੱਮ. ਗੋਲਡ) ਲੁਧਿਆਣਾ ਤੋਂ ਉਸ ਦੀਆਂ ਰਚਨਾਵਾਂ ਸੁਣਨ ਨੂੰ ਅਕਸਰ ਮਿਲਦੀਆਂ ਹਨ। ਪਲੇਠਾ ਕਾਵਿ ਸੰਗ੍ਰਹਿ 'ਮਨ ਕਸਤੂਰੀ' ਛਪਣ ਲਈ ਤਿਆਰ ਹੈ।