Salok Baba Sheikh Farid in Shahmukhi

سلوک سیخ فرید جی کے
اک اونکار ستگور پرسادِ
1

جتُ دہاڑے دھن وری ساہے لئے لکھائِ ۔۔
ملکُ جِ کنی سنیدا مہُ دیکھالے آئِ ۔۔
جندُ نمانی کڈھیئے ہڈا کو کڑکائ ۔۔
ساہے لکھے ن چلنی جندو کوں سمجھائِ ۔۔
جندُ وہوٹی مرنُ ورُ لے جاسی پرنائ ۔۔
آپن ہتھی جولِ کے کے گلِ لگے دھائ ۔۔
والہُ نکی پرسلات کنی ن سنی آئِ ۔۔
فریدہ کڑی پوندیئی کھڑا ن آپُ مہائِ۔۔1۔۔

(جتُ دہاڑے=جس دن، دھن=استری، وری=ویاہی
جائگی، ساہے=ویاہ دا نیت سماں، ملکُ=
موت دا فرستا، کوں=نوں، ن چلنی=نہیں ٹل سکدے،
ورُ=لاڑا، پرنائ=ویاہ کے، جولِ کے=تور کے،
کے گلِ=کس دے گل وچ، دھائ=دوڑ کے، والہُ=
وال توں، پرسلات=پل صراط، کنی=کناں
نال، کڑی پوندیئی=واجاں پیندیاں،
ن مہائِ=نہ لٹا)

2

فریدہ در درویسی گاکھڑی چلاں دنیاں بھتِ ۔۔
بنھ اٹھائی پوٹلی کتھے وننجاں گھتِ ۔۔2۔۔

(گاکھڑی=اوکھی، درویسی=فقیری، در=پرماتما
دے در دی، بھتِ=وانگ، بنھ=بنھ کے، وننجا=
جاواں، گھتِ=سٹّ کے، پوٹلی=نکی جہی گنڈھ)

3

کجھُ ن بجھے کجھُ ن سجھے دنیا گجھی بھاہِ ۔۔
سانئیں میرے چنگا کیتا ناہی ت ہں بھی دجھاں آہِ ۔۔3۔۔

(کجھُ=کجھ بھی، بجھے=سمجھ آؤندی، پتہ لگدا،
گجھی=لکاویں، بھاہِ=اگّ، سانئی میرے=میرے
سانئی نے ۔ ہمبھی=ہؤں بھی،میں بھی، دجھاں آہِ=
سڑ جاندا)

4

فریدہ جے جانا تل تھوڑڑے سملِ بکُ بھری ۔۔
جے جانا سہُ ننڈھڑا تاں تھوڑا مانُ کری ۔۔4۔۔

(تل=سواس، تھوڑڑے=بہت تھوڑھے، سملِ=سمبھل
کے، سہُ=خصم-پربھو، ننڈھڑا=نکا جیہا نڈھا)

5

جے جانا لڑِ چھجنا پیڈی پائیں گنڈھِ ۔۔
تے جیوڈُ میں ناہی کو سبھ جگُ ڈٹھا ہنڈھِ ۔۔5۔۔

(لڑُ=پلہ، چھجنا=ٹٹّ جانا ہے، پیڈی=پکی، تے
جیوڈُ=تیرے جیڈا، ہنڈھِ=پھر کے)

6

فریدہ جے تو عقلِ لتیپھُ کالے لکھ ن لیکھ ۔۔
آپنڑے گریوان مہہ سرُ نینواں کر دیکھُ ۔۔6۔۔

(عقلِ لتیپھُ=بریک سمجھ والا، کالے لیکھ=مندے
کرم، گریوان=بکل)

7

فریدہ جو تے مارنِ مکیاں تنھا ن مارے گھمِ ۔۔
آپنڑے گھر جائیئ پیر تنھا دے چمِ ۔۔7۔۔

(تے=تینوں، تنھا=اوہناں نوں، ن مارے=ناہ مار،
گھمِ=پرط کے، آپنڑے گھرِ=اپنے گھر وچ،شانت
اوستھا وچ، چمِ=چمّ کے، جائیئ=اپڑ جائیدا ہے )

8

فریدہ جاں تؤ کھٹن ویل تاں تو رتا دنی سیؤ ۔۔
مرگ سوائی نیہِ جاں بھریا تاں لدیا ۔۔8۔۔

(تؤ=تیرا، کھٹن ویل=کھٹن دا ویلا، رتا=
رنگیا ہویا،مست، سیؤ=نال، مرگ=موت،
سوائی=ودھدی گئی، جاں=جدوں، بھریا=سواس
پورے ہو گئے، نینہِ=نیہہ)

9

دیکھُ فریدہ جو تھیا داڑی ہوئی بھور ۔۔
اگہُ نیڑا آیا پچھا رہیا دورِ ۔۔9۔۔

(تھیا=ہو گیا ہے، جو=جو کجھ، بھر=چٹی، اگہُ=
اگلے پاسیوں، پچھا=پچھلا پاسہ)

10

دیکھُ فریدہ جِ تھیا سکر ہوئی وسُ ۔۔
سائیں باجھہُ اپنے ویدن کہیٔے قصو ۔۔10۔۔

(جِ تھیا=جو کجھ ہویا ہے، سکر=شکر،مٹھے
پدارتھ، وسُ=زہر،دکھدائی، ویدن=دکھڑا)

11

فریدہ اکھی دیکھ پتینیاں سنِ سنِ رینے کنّ ۔۔
ساکھ پکندی آئیا ہور کریندی ونّ ۔۔11۔۔

(پتینیاں=پتلیاں پے گئیاں ہن، رینے=خالی،
بولے، ساکھ=ٹہنی،سریر، پکندی آئیا=پکّ
گئی ہے، ونّ=رنگ)

12

فریدہ کالیں جنی ن راویا دھؤلی راوے کوئِ ۔۔
کر سائیں سیؤ پرہڑی رنگُ نویلا ہوئِ ۔۔12۔۔

(کالیں=جدوں کیس کالے سن، راویا=مانیا،
دھؤلی=دھؤلے آیاں، کوئِ=کوئی ورلا، پرہڑی=
پیار، نویلا=نواں، رنگ=پیار)

13
م: 3

فریدہ کالی دھؤلی صاحبُ سدا ہے جے کو چتِ کرے ۔۔
اپنا لایا پرمُ ن لگئی جے لوچے سبھ کوئِ ۔۔
ایہہ پرمُ پیالہ خصم کا جےَ بھاوے تے دیئ ۔۔13۔۔

(چتِ کرے=چتّ وچ ٹکائے، پرمُ=پیار، سبھ کوئِ=
ہریک جیو، جےَ=جس نوں، تے=تس نوں)

14

فریدہ جنھ لوئن جگُ موہیا سے لوئن میں ڈٹھُ ۔۔
کجل ریکھ ن سہدیا سے پنکھی سوئ بیہٹھ ۔۔14۔۔

(لوئن=اکھاں، سوئ=بچے، بیہٹھ=بیٹھن دی تھاں)

15

فریدہ کوکیدیا چانگیدیا متی دیدیا نت ۔۔
جو سیتانِ وننجایا سے کت پھیرہِ چت ۔۔15۔۔

(سیتانِ=شیطان نے،من نے، کوکیدیا
چانگیدیا=مڑ مڑ پکار پکار
کے سمجھان تے بھی، سے=اوہ بندے،
وننجایا=وگاڑیا ہے)

16

فریدہ تھیؤ پواہی دبھُ ۔۔
جے سائیں لوڑہِ سبھ ۔۔
اکُ چھجہِ بیا لتاڑیئہِ ۔۔
تاں سائی دے در واڑیئہِ ۔۔16۔۔

(تھیؤ=بن جا، پواہی=پہے دی،
رستے دی، دبھُ=گھاہ، جے لوڑہِ=
جے توں لبھدا ہیں، سبھ=سبھ
وچ، اکُ=کسے دبھّ دے بوٹے نوں،
چھجہِ=توڑدے ہن، بیا=کئی ہور،
لتاڑیئہِ=لتاڑے جاندے ہن،
سائی دے درِ=مالک دے در تے،
واڑیئہِ=توں واڑیا
جائینگا)

17

فریدہ خاکُ ن نندیئ خاکو جیڈُ ن کوئِ ۔۔
جیودیا پیراں تلے مویا اپرِ ہوئِ ۔۔17۔۔

(خاکُ=مٹی، جیڈُ=جیڈا،ورگا )

18

فریدہ جا لبُ تا نیہُ کیا لبُ تا کوڑا نیہُ ۔۔
کچرُ جھتِ لگھائیئ چھپرِ تٹے میہُ ۔۔18۔۔

(نیہُ کیا=کاہدا پیار،اصل پیار
نہیں، کوڑا=جھوٹھا، کچرُ=کنا چر،
جھتِ=سماں، چھپرِ توٹے=ٹٹے ہوئے چھپر
اتے، میہُ=مینہہ)

19

فریدہ جنگلُ جنگلُ کیا بھوہِ ونِ کنڈا موڑیہِ ۔۔
وصی ربُ ہیالیئ جنگلُ کیا ڈھوڈھیہِ ۔۔19۔۔

(کیا بھوہِ=گاہن دا کیہ لابھ، ونِ=
جنگل وچ، کیا موڑیہِ=کیوں
لتاڑدا ہیں، وصی=وسدا ہے،
ہیالیئ=ہردے وچ، کیا
ڈھوڈھیہِ=بھالن دا کیہ لابھ)

20

فریدہ انی نکی جنگھیئ تھل ڈونگر بھویومھ ۔
اجُ فریدے کوجڑا سے کوہاں تھیؤمِ ۔۔20۔۔

(انی جنگھیئ=ایہناں لتاں نال، ڈوگر=
پہاڑ، بھویومھِ=میں بھؤں (گھم)،
اجُ=بڈھیپے وچ، فریدے= فرید نوں، تھیؤمِ=
ہو گیا ہے، کوجڑا=اک نکا جیہا کجا)

21

فریدہ راتی وڈیاں دھکھ دھکھِ اٹھنِ پاس ۔۔
دھگُ تنھا دا جیویا جنا وڈانی آس ۔۔21۔۔

(دھکھِ اٹھنِ=دھکھ اٹھدے ہن،امب جاندے
ہن، پاس=سریر دے پاسے،پسلیاں، وڈانی=
بگانی، وڈیاں=لمیاں، دھرگُ=پھٹکار-جوگار)

22

فریدہ جے مے ہودا واریا متا آئڑیاں ۔۔
ہیڑا جلے مجیٹھ جیو اپرِ انگارا ۔۔22۔۔

(واریا ہودا=لکایا ہندا،
متا آئڑیاں=آئے متراں
توں، ہیڑا=سریر،دل،ماس، مجیٹھ جیو=
مجیٹھ وانگ، جلے=سڑدا ہے)

23

فریدہ لوڑے داخ بجؤریاں ککرِ بیجے جٹُ ۔۔
ہنڈھے انن کتائدا پیدھا لوڑے پٹُ ۔۔23۔۔

(بجؤریاں=بجور دے علاقے دی، داکھُ=
چھوٹا انگور، ککرِ=ککریاں، ہنڈھے=
پھردا ہے،پرانا، پیدھا لوڑے=
پہننا چاہندا ہے)

24

فریدہ گلیئے چکڑُ دورِ گھرُ نالِ پیارے نیہُ ۔۔
چلا تا بھجے کمبلی رہاں ت تٹے نیہُ ۔۔24۔۔

(رہاں=جے میں رہِ پواں، ت=تاں، تٹے=ٹٹدا ہے)

25

بھجؤ سجؤ کمبلی اﷲ ورسؤ میہُ ۔۔
جائ ملا تنا سجنا تٹؤ ناہی نیہُ ۔۔25۔۔

(اﷲ=ربّ کر کے، بھجؤ=بے شک بھجے)

26

فریدہ مے بھولاوا پگ دا متُ میلی ہوئِ جائ ۔۔
گہلا روہُ ن جانئی سرُ بھی مٹی کھائِ ۔۔26۔۔

(مے=مینوں، بھولاوا=بھلیکھا، متُ ہو جائ=
متاں ہو جائے، گہلا=بے پرواہ،غافل، جانئی=
جاندا)

27

فریدہ سکر کھنڈُ نوات گڑُ ماکھیو مانجھا ددھُ ۔۔
سبھے وستو مٹھیاں رب ن پجنِ تدھُ ۔۔27۔۔

(نوات=مصری، ماکھیو=شہد، ن پجنِ=
نہیں اپڑدیاں، تدھُ=تینوں)

28

فریدہ روٹی میری کاٹھ کی لاونُ میری بھکھ ۔۔
جنا کھادھی چوپڑی گھنے سہنگے دکھ ۔۔28۔۔

(کاٹھ کی روٹی=کاٹھ وانگ سکی روٹی، لاونُ=
بھاجی،سلونا، گھنے=بڑے، چوپڑی=سوادلی،
گھیؤ-بھجی)

29

رکھی سکھی کھائِ کے ٹھنڈھا پانی پیؤُ ۔۔
فریدہ دیکھِ پرائی چوپڑی ن ترسائے جیؤ ۔۔29۔۔

(رکھی=بنا دال سبزی توں، دیکھِ=ویکھ کے،
چوپڑی=سوادلی،گھیؤ-بھجی)

30

اجُ ن ستی کنت سیؤ انگُ مڑے مڑِ جائ ۔۔
جائ پچھہُ ڈوہاگنی تم کیؤ رینِ وہائِ ۔۔30۔۔

(سیؤ=نال، انگُ=سریر، مڑِ جائ=ٹٹّ رہا
ہے، ڈوہاگنی=دہاگن،چھٹڑ، رینِ=رات)

31

ساہرے ڈھوئی ن لہے پیئی اے ناہی تھاؤ ۔۔
پرُ واتڑی ن پچھئی دھن سوہاگنِ ناؤ ۔۔31۔۔

(ساہرے=سہرے گھر،پرلوک وچ، ڈھوئی=آسرا،
تھاں، پیئی اے=پیکے گھر،اس لوک وچ، پرُ=
خصم-پربھو، واتڑی=تھوڑھی جنی گلّ،
دھن=استری)

32
(م: 1)

ساہرے پیئی اے کنت کی کنتُ اگمُ اتھاہُ ۔۔
نانک سو سوہاگنی جو بھاوے بے پرواہ ۔۔32۔۔

(اگمُ=پہنچ توں پرے، اتھاہُ=
ڈونگھا،اگادھ، بھاوے=پیاری لگدی ہے)

33

ناتی دھوتی سمبہی ستی آئِ نچندُ ۔۔
فریدہ رہی سو بیڑی ہننُ دی گئی کتھوری گندھُ ۔۔33۔۔

(سمبہی=سجی ہوئی، نچندُ=بے-فکر، بیڑی=ویڑھی،
لبڑی ہوئی، کتھوری=کستوری، گندھُ=خوشبو)

34

جوبن جاندے نہ ڈراں جے سہ پریتِ ن جائ ۔۔
فریدہ کتیں جوبن پریتِ بنُ سکِ گئے کملائِ ۔۔34۔۔

(سہ پریتِ=خصم دا پیار، کتی=کنے ہی)

35

فریدہ چنت کھٹولا وانُ دکھ برہِ وچھاون لیپھُ ۔۔
ایہہ ہمارا جیونا تو صاحب سچے ویکھ ۔۔35۔۔

(چنت=چنتا، کھٹولا=نکی منجی، برہِ=
وچھوڑے وچ، وچھاون=تلائی)

36

برہا برہا آکھیئے برہا تو سلطان ۔۔
فریدہ جتُ تنِ برہُ ن اوپجے سو تنُ جانُ مسانُ ۔۔36۔۔

(برہا=وچھوڑا، سلطانُ=راجا، جتُ تنِ=جس تن وچ،
برہُ=وچھوڑا، مسانُ=مردے ساڑن دی تھاں)

37

فریدہ اے وسُ گندلا دھریاں کھنڈُ لواڑِ ۔۔
اکِ راہیدے رہِ گئے اکِ رادھی گئے اجاڑِ ۔۔37۔۔

(اے=ایہہ پدارتھ، وسُ=زہر، کھنڈُ لواڑِ=کھنڈ
نال گلیف کے، اکِ=کئی جیو، راہیدے=بیجدے، رہِ
گئے=تھکّ گئے،مر گئے، رادھی=بیجی ہوئی )

38

فریدہ چارِ گوایا ہنڈھِ کے چارِ گوایا سمِ ۔۔
لیکھا ربُ منگیسیا تو آنہو کیرھے کمّ ۔۔38۔۔

(ہنڈھِ کے=بھٹک کے،دوڑ-بھجّ کے، سمِ=سؤں کے،
منگیسیا=منگیگا، آنہو=آیا سیں،
کیرھے کمّ=کس کم)

39

فریدہ درِ درواجے جائ کے کیؤ ڈٹھو گھڑیالُ ۔۔
ایہہ ندوساں ماریئے ہم دوساں دا کیا حالُ ۔۔39۔۔

(درِ=بوہے تے، درواجے=دروازے تے، کیؤ ڈٹھو=
کی نہیں ویکھیا، ندوسا=بے-دوسا، ماریئے=
مار کھاندا ہے)

40

گھڑیئے گھڑیئے ماریئے پہری لہے سجائِ ۔۔
سو ہیڑا گھڑیالُ جیو ڈکھی رینِ وہائِ ۔۔40۔۔

(گھڑیئے گھڑیئے=گھڑی گھڑی پچھوں، پہری=ہریک
پہر مگروں، سجائِ=سجا، ہیڑا=سریر، سیؤ=
وانگ، ڈکھی=دکھیں، رینِ=رات، وہائِ=
گزردی ہے)

41

بڈھا ہوآ سیخ فریدُ کمبنِ لگی دیہہ ۔۔
جے سؤ ورھیا جیونا بھی تنُ ہوسی کھیہہ ۔۔41۔۔

(دیہہ=سریر، کھیہہ=سواہ،مٹی، ہوسی=
ہو جائگا )

42

فریدہ بارِ پرائی بیسنا سانئی مجھے ن دیہہ ۔۔
جے تو ایوے رکھسی جیؤ سریرہو لیہِ ۔۔42۔۔

(بارِ پرائی=پرائے بوہے تے،
بیسنا=بیٹھنا، ایوے=اسے طرحاں،
جیؤ=جند، سریرہو=سریر وچوں)

43

کندھِ کہاڑا سرِ گھڑا ونِ کے سرُ لوہارُ ۔۔
فریدہ ہؤ لوڑی سہُ اپنا تو لوڑہِ انگیار ۔۔43۔۔

(کندھِ=موڈھے اتے، سرِ=سر اتے، ونِ=جنگل وچ،
کیسرُ=بادشاہ، ہؤ=میں، سہُ=خصم، لوڑی=
لوڑیں، انگیار=کولے)

44

فریدہ اکنا آٹا اگلا اکنا ناہی لونُ ۔۔
اگے گئے سننجاپسنِ چوٹاں خاصی کؤنُ ۔۔44۔۔

(اگلا=بہتا، لونُ=لون، اگے=پرلوک وچ،
سننجاپسنِ=پچھانے جانگے)

45

پاسِ دمامے چھتُ سرِ بھیری سڈو رڈ ۔۔
جائ ستے جیران مہہ تھیئے اتیما گڈ ۔۔45۔۔

(پاسِ=کول، دمامے=دھونسے، چھتُ=چھتر،
سرِ=سر اتے، بھیری=توتیاں، سڈو=سدّ،
رڈ=اک 'چھند' دا ناں ہے جو استتی
واسطے ورتیا جاندا ہے، جیران=
مسان، اتیم=یتیم،مہٹر، گڈ تھیئے=
رل گئے)

46

فریدہ کوٹھے منڈپ ماڑیاں اساریدے بھی گئے ۔۔
کوڑا سودا کرِ گئے گوری آئے پئے ۔۔46۔۔

(منڈپ=شامیانے، ماڑیا=
چوباریاں والے محل، کوڑا=
جھوٹھا، سنگ ناہ نبھن والا،
گوری=گوریں،قبراں وچ)

47

فریدہ کھنتھڑِ میکھا اگلیا جندُ ن کائی میخ ۔۔
واری آپو اپنی چلے مسائق سیخ ۔۔47۔۔

(کھنتھڑِ=گودڑی، میکھا=ٹانکے،میکھاں،
اگلیا=بہت، مسائق=شیخ دا بہو-وچن )

48

فریدہ دہُ دیوی بلندیا ملکُ بہٹھا آئِ ۔۔
گڑُ لیتا گھٹُ لٹیا دیوڑے گیا بجھائِ ۔۔48۔۔

(دہُ دیوی بلندیا=ایہناں دوہاں اکھاں
دے ساہمنے ہی، ملکُ=موت دا فرشتہ،
گڑُ=قلعہ،سریر، گھٹُ=ہردا، لیتا=
قبضہ کر لیا)

49

فریدہ ویکھ کپاہے جِ تھیاں جِ سر تھیا تلاہ ۔۔
کمادے ارُ کاگدے کنے کوئلیاہ ۔۔
مندے عمل کریدیا ایہہ سجائِ تناہ ۔۔49۔۔

(جِ=جو کجھ، تھیا=ہویا، سرِ=سر اتے،
کنے=مٹی دی ہانڈی، سجائِ=دنڈ،
تناہ=اوہناں نوں، عمل=کم،کرتوتاں)

50

فریدہ کنِ مسلا سوپھُ گلِ دلِ کاتی گڑُ واتِ ۔۔
باہرِ دسے چاننا دلِ اندھیاری رات ۔۔50۔۔

(کنِ=موڈھے اتے، سوپھُ=کالی خپھنی،
گلِ=گل وچ، دلِ=دل وچ)

51

فریدہ رتی رتُ ن نکلے جِ تنُ چیرے کوئِ ۔۔
جو تن رتے رب سیؤ تن تنِ رتُ ن ہوئِ ۔۔51۔۔

(رتی=تھوڑھی جنی بھی، رتُ=لہو، رتے=
رنگے ہوئے، سیؤ=نال، تن تنِ=اوہناں
دے تن وچ)

52
م: 3

ایہہ تنُ سبھو رتُ ہے رتُ بنُ تنُ ن ہوئِ ۔۔
جو سہ رتے اپنے تتُ تنِ لوبھ رتُ ن ہوئِ ۔۔
بھے پئی تنُ کھینُ ہوئِ لوبھ رتُ وچہہ جائ ۔۔
جیو بیسنترِ دھاتُ سدھ ہوئِ تیؤ ہرِ کا بھؤ درمتِ میلُ گوائِ ۔۔
نانک تے جن سوہنے جِ رتے ہرِ رنگُ لائِ ۔۔52۔۔

(سبھو=سارا ہی، رتُ بنُ=رتّ توں بنا،
تنُ=تن،سریر، سہ رتے=خصم نال رنگے
ہوئے، تتُ تنِ=اس سریر وچ، بھے پئی=
ڈر وچ پیاں، کھینُ=پتلا،لسا، جائ=
دور ہو جاندی ہے، بیسنترِ=اگّ وچ،
سدھ=صاف، جِ=جیہڑے، رنگُ=پیار)

53

فریدہ سوئی سرورُ ڈھوڈھِ لہہ جتھہُ لبھی وتھ ۔۔
چھپڑِ ڈھوڈھے کیا ہووے چکڑِ ڈبے ہتھُ ۔۔53۔۔

(سرورُ=سوہنا تلاب، وتھ=چیز، چھپڑِ ڈھوڈھے=
جے چھپڑ بھالیئے)

54

فریدہ ننڈھی کنتُ ن راویو وڈی تھی مئیاسُ ۔۔
دھن کوکیندی گور میں تے سہ نہ ملیاسُ ۔۔54۔۔

(ننڈھی=جوان استری نے، ن راویو=ناہ
مانیا، وڈی تھی=بڈھی ہو کے، مئیاسُ=
اوہ مر گئی، دھن=استری، گور میں=قبر وچ،
تے=تینوں، سہ=پتی، نہ ملیاسُ=نہیں ملی )

55

فریدہ سر پلیا داڑی پلی مچھاں بھی پلیاں ۔۔
رے من گہلے باولے مانہہ کیا رلیاں ۔۔55۔۔

(پلیا=چٹا ہو گیا، رے گہلے=ہے غافل،
باولا=کملا، رلیاں=موجاں)

56

فریدہ کوٹھے دھکنُ کیتڑا پر نیدڑی نوار ۔۔
جو دہ لدھے گانوے گئے ولاڑِ ولاڑِ ۔۔56۔۔

(دھکنُ=دوڑنا، کیتڑا=کتھوں تک، نیدڑی=
کوجھی نیند، نوارِ=دور کر، گانوے دہ=گنویں
دن، لدھے=لبھے، ولاڑِ=دوڑ کے، بڑی چھیتی چھیتی)

57

فریدہ کوٹھے منڈپ ماڑیا ایتُ ن لائے چتُ ۔۔
مٹی پئی اتولوی کوئِ ن ہوسی متُ ۔۔57۔۔

(منڈپ=محل، ایتُ=اس وچ)

58

فریدہ منڈپ مالُ ن لائِ مرگ ستانی چتِ دھرِ ۔۔
سائی جائ سمھالِ جتھے ہی تؤ وننجنا ۔۔58۔۔

(مرگ=موت، ستانی=بل والی، چتِ=چتّ وچ،
سائی=اوہی، جائ=تھاں، سمھالِ=سانبھ، جتھے
ہی=جتھے آخر نوں، وننجنا=جانا، مالُ=دھن)

59

فریدہ جنھی کمی ناہِ گن تے کمڑے وسارِ ۔۔
متُ سرمندا تھیوہی سانئی دے دربارِ ۔۔59۔۔

(جنھی کمی=جنہاں کماں وچ، گن=لابھ،
کمڑے=کوجھے کم، تھیوہی=توں ہوویں،
دے دربارِ=دے دربار وچ)

60

فریدہ صاحب دی کرِ چاکری دل دی لاہِ بھراندِ ۔۔
درویساں نو لوڑیئے رخاں دی جیراندِ ۔۔60۔۔

(بھراندِ=بھرم، بھٹکنا، لاہِ=لاہ کے،
چاکری=نوکری،بندگی، لوڑیئے=چاہیدی
ہے، جیراندِ=دھیرج،صبر، درویس=فقیر، نو=نوں)

61

فریدہ کالے میڈے کپڑے کالا میڈا ویسُ ۔۔
گنہی بھریا مے پھرا لوکُ کہےَ درویسُ ۔۔61۔۔

(میڈے=میرے، ویسُ=پہراوا، گنہی=
گناہاں نال، پھرا=پھردا ہاں، لوکُ=
جگتُ، کہےَ=آکھدا ہے)

62

تتی توئِ ن پلوے جِ جلِ ٹبی دیئ ۔۔
فریدہ جو ڈوہاگنِ رب دی جھوریدی جھوریئ ۔۔62۔۔

(تتی=تتی،سڑی ہوئی، توئِ=پانی وچ، پلوے=
پرپھلت ہندی ہے، جلِ=جل وچ، ڈوہاگنِ=
دہاگن،چھٹڑ جھوریدی جھریئ=سدا ہی
جھوردی ہے، جے=بھاویں)

63

جاں کوآری تا چاؤ ویواہی تا معاملے ۔۔
فریدہ ایہو پچھوتاؤ وتِ کوآری ن تھیئے ۔۔63۔۔

(ویواہی=ویاہی، معاملے=قضیے،جنجال،
پچھوتاؤ=پچھتاوا، وتِ=مڑ کے، ن
تھیئے=نہیں ہو سکدی، جاں=جدوں، تاں=تدوں)

64

کلر کیری چھپڑی آئے التھے ہنجھ ۔۔
چنجو بوڑنھِ نہ پیوہِ اڈن سندی ڈنجھ ۔۔64۔۔

(کیری=دی، آئِ التھے=آ اترے، ہنجھ=
ہنس، چنجو=چنجھ، بوڑنِ@=ڈوبدے ہن،
سندی=دی، ڈنجھ=تانگھ)

65

ہنسُ اڈرِ کودھرے پیا لوکُ وڈارنِ جائ ۔۔
گہلا لوکُ ن جاندا ہنسُ ن کودھرا کھائِ ۔۔65۔۔

(اڈرِ=اڈّ کے، کودھرے=کودھرے دی پیلی وچ،
پیا=جا بیٹھا، وڈارنِ=اڈان لئی، گہلا=
کملا، لوکُ=جگت دے بندے)

66

چلِ چلِ گئیاں پنکھیا جنھی وسائے تل ۔۔
فریدہ سرُ بھریا بھی چلسی تھکے کول اکل ۔۔66۔۔

(چلِ چلِ گئیاں=آپو اپنی واری چلیاں
گئیاں، پنکھیاں=پنچھیاں دیاں ڈاراں،
تل=تلاب، وسائے=رونق دے رہے سن، سرُ=
تلاب، چلسی=سکّ جائگا، تھکے=کملا
گئے، اکل=پچھے اکلے رہے ہوئے)

67

فریدہ اٹ سرانے بھئے سونُ کیا لڑیو ماسِ ۔۔
کیتڑیا جگ واپرے اکتُ پیا پاسِ ۔۔67۔۔

(اٹ سرانے=سر ہیٹھ اٹّ ہوویگی، بھئے=
دھرتی وچ، ماسِ=ماس وچ، کیتڑیا
جگ=کئی جگ، واپرے=لنگھ جانگے،
اکتُ پاسِ=اکو پاسے)

68

فریدہ بھنی گھڑی سونوی ٹٹی ناگر لجُ ۔۔
اجرائیلُ فریستا کے گھرِ ناٹھی اجُ ۔۔68۔۔

(سونوی=سوہنے ونّ (رنگ) والی، گھڑی=
سریر-روپر بھانڈا، ناگر=سندر، لجُ=رسی،
سواساں دی لڑی)

69

فریدہ بھنی گھڑی سونوی ٹوٹی ناگر لجُ ۔۔
جو سجن بھئے بھارُ تھے سے کیؤ آوہِ اجُ ۔۔69۔۔

(بھئے=دھرتی اتے، بھارُ تھے=بھار سن،
کیؤ آوہِ اجُ=پھر ایہہ منکھا جنم
والا سماں نہیں ملدا )

70

فریدہ بے نواجا کتیہ ایہہ ن بھلی ریتِ ۔۔
کبہی چلِ ن آیا پنجے وکھت مسیتِ ۔۔70۔۔

(ریتِ=طریقہ، کب ہی=کدے بھی، بینواجا=
جو نماز نہیں پڑھدے)

71

اٹھُ فریدہ عضو ساجِ صبح نواج گجارِ ۔۔
جو سرُ سانئی نہ نوے سو سرُ کپِ اتارِ ۔۔71۔۔

(عضو ساجِ=منہ ہتھ دھو، نواج گجارِ=
نماز پڑھ، کپِ=کٹّ کے )

72

جو سرُ سائی نہ نوے سو سرُ کیجے کانئ ۔۔
کنے ہیٹھ جلائیٔے بالن سندے تھائ ۔۔72۔۔

(کیجے کانئ=کیہ کریئے، کنا=ہانڈی، سندے=دے)

73

فریدہ کتھے تیڈے ماپیا جنھی تو جنیوہِ ۔۔
تے پاسہُ اوئِ لدِ گئے توں اجے ن پتینوہِ ۔۔73۔۔

(تیڈے=تیرے، جنیوہِ=جنم دتا، پتینوہِ=
پتیجیا،تسلی ہوئی، اوئِ=اوہ تیرے ماپے)

74

فریدہ منُ میدانُ کرِ ٹوئے ٹبے لاہِ ۔۔
اگے مل ن آوسی دوجک سندی بھاہِ ۔۔74۔۔

(لاہِ=دور کر دیہہ، ٹوئے ٹبے=نیویں تے
اچے تھاں، اگے=تیرے اگے، آوسی=
آویگی، دوجک سندی=نرک دی، بھاہِ=اگّ)

75
محلہ 5

فریدہ کھالکُ خلق مہہ خلق وسے رب ماہِ ۔۔
مندا قصو نو آکھیئے جاں تسُ بنُ کوئی ناہِ ۔۔75۔۔

(کھالکُ=پرماتما، ماہِ=وچ، تسُ بنُ=
اس پرماتما توں بنا)

76

فریدہ جہ دہِ نالہ کپیا جے گلُ کپہِ چکھ ۔۔
پونِ ن اتی معاملے سہاں ن اتی دکھ ۔۔76۔۔

(جِ دن=جس دہِ، نالہ=ناڑو، کپہِ=
کٹّ دیندیؤں، چکھ=رتا کو، اتیں=
انے، معاملے=جھمبیلے)

77

چبن چلن رتنّ سے سنیئر بہہ گئے ۔۔
ہیڑے متی دھاہ سے جانی چل گئے ۔77۔۔

(چبن=دند، چلن=لتاں، رتنّ=اکھاں،
سنیئر=کنّ، سے=اوہ، بہہ گئے=بیٹھ
گئے،کم کرن توں رہِ گئے ہن، ہیڑے=
سریر نے، دھاہ متی=ڈھاہ ماری، سے جانی=
اوہ متر)

78

فریدہ برے دا بھلا کرِ غصہ منِ ن ہڈھائ ۔۔
دیہی روگُ ن لگئی پلے سبھ کچھ پائِ ۔۔78۔۔

(ن ہڈھائ=ناہ آؤن دیہہ، دیہی=سریر نوں،
پلے پائِ=پلے پئی رہندی ہے )

79

فریدہ پنکھ پراہنی دنی سہاوا باگُ ۔۔
نؤبتِ وجی صبح سیؤ چلن کا کرِ ساجُ ۔۔79۔

(پنکھ=پنچھیاں دی ڈار، دنی=دنیاں،
سہاوا=سوہنا، نؤبتِ=دھونسا، صبح
سیؤ=سویر دا، ساجُ=سامان، تیاری)

80

فریدہ راتِ کتھوری ونڈیئے ستیا ملے ن بھاؤ ۔۔
جناھ نین نیندراولے تنھا ملنُ کواؤ ۔۔80۔۔

(کتھوری=کستوری، بھاؤ=حصہ، نیندراولے=نیند نال
گھٹے ہوئے، ملنُ=میل، کواؤ=کتھوں)

81

فریدہ مے جانیا دکھ مجھ کوُ دکھ سبائی جگِ ۔۔
اوچے چڑِ کے دیکھیا تاں گھرِ گھرِ ایہا اگِ ۔۔81۔۔

(مجھ کوُ=مینوں، سبائی جگِ=سارے جگت وچ، اوچے
چڑِ کے=دکھ توں اچا ہو کے)

82
محلہ 5

فریدہ بھومِ رنگاولی منجھِ وسولا باغ ۔۔
جو جن پیرِ نوازیا تنھا انچ ن لاگ ۔۔82

(بھومِ=دھرتی، رنگاولی=(رنگ+آولی)
آنند دی قطار بھاوَ سہاونی، منجھِ=
وچ، وسولا=وسُ-بھریا،وہلا)

83
محلہ 5

فریدہ عمر سہاوڑی سنگِ سونڑی دیہہ ۔۔
ورلے کیئی پائیٔنِ جنھا پیارے نیہ ۔۔83۔۔

(سہاوڑی=سہاولی، سکھ-بھری، سنگِ=نال،
سونڑی=سوہنے رنگ والی، دیہہ=سریر،
پائیٔنِ=پائے جاندے ہن،ملدے ہن)

84

کندھی وہن ن ڈھاہِ تؤ بھی لیکھا دیونا ۔۔
جدھرِ رب رجائِ وہنُ تداؤ گنؤ کرے ۔۔84۔۔

(وہن=ہے وہن، کندھی=ندی دا کنڈھا، تؤ=
توں ، جدھرِ=جس پاسے، رب رجائِ=ربّ دی مرضی،
تداؤ=اسے پاسے، گنؤ کرے=رستہ
بناؤندا ہے)

85

فریدہ ڈکھا سیتی دہُ گیا سولاں سیتی راتِ ۔۔
کھڑا پکارے پاتنی بیڑا کپر واتِ ۔۔85۔۔

(ڈکھا سیتی=دکھاں نال، دہُ=دن،
سولاں=چوبھاں،فکر، پاتنی=ملاح،
کپر=لہراں،ٹھاٹھاں، واتِ=منہ وچ)

86

لمی لمی ندی وہے کندھی کیرے ہیتِ ۔۔
بیڑے نو کپرُ کیا کرے جے پاتن رہے سچیتِ ۔۔86۔۔

(ندی=دکھاں دی ندی، وہے=چل رہی ہے، کیرے
ہیتِ=ڈھاہن واسطے، نو=نوں، کیا کرے=کیہ
وگاڑ سکدا ہے، پاتن چیتِ=پاتن (ملاح)
دے چیتے وچ، سو=اوہ بیڑا)

87

فریدہ گلیں سو سجن ویہہ اکُ ڈھونڈھیدی ن لہاں ۔۔
دھکھاں جیو مانلیہ کارنِ تنھا ما پری ۔۔87۔۔

(گلیں=گلاں نال، اکُ=اصل سجن، ن لہاں=مینوں
نہیں لبھدا، دھکھاں=اندرے اندر دکھی ہو
رہا ہاں، مانلیہ=سکے گوہے دا چورا،
ما=میرا، پری کارنِ=پیاریاں خاطر،
تنھا=اوہناں)

88

فریدہ ایہہ تنُ بھؤکنا نت نت دکھیئ کؤنُ ۔۔
کنی بجے دے رہاں کتی وگے پؤنُ ۔۔88۔۔

(بھؤکنا=بھؤنکا، دکھیئ کؤنُ=
کون اوکھا ہندا رہے، دے رہاں=
دیئی رکھاں، کتی=کنی ہی، پؤنُ=ہوا)

89

فریدہ رب کھجوری پکیاں ماکھء نئی وہنھِ ۔۔
جو جو وننجیں ڈیہڑا سو عمر ہتھ پونِ ۔۔89۔۔

(رب کھجوری=ربّ دیاں کھجوراں، ماکھء
نئی=شہد دیاں ندیاں، وننجنے=
لنگھ رہا، ڈیہڑا=دن، عمر ہتھ
پونِ=عمر گھٹ رہی ہے)

90

فریدہ تنُ سکا پنجرُ تھیا تلیاں کھونڈہِ کاگ ۔۔
اجے سو ربُ ن باہڑیو دیکھُ بندے کے بھاگ ۔۔90۔۔

(پنجرُ تھیا=ہڈیاں دی مٹھّ ہو گیا ہے،
کھونڈہِ=ٹھونگ رہے ہن، کاگ=کاں،وکار،
اجے=اجے بھی، ن باہڑیو=نہیں تٹھا، نہیں
آیا)

91

کاگا کرنگ ڈھنڈھولیا سگلا خایا ماسُ ۔۔
اے دئِ نینا متِ چھہؤ پر دیکھن کی آس ۔۔91۔۔

(کاگا=کاواں نے،وکاراں نے، کرنگ=پنجر،
سگلا=سارا، متِ چھہؤ=نہ چھیڑو)

92

کاگا چونڈِ ن پنجرہ بسے ت اڈرِ جاہِ ۔۔
جتُ پنجرے میرا سہُ وسے ماسُ ن تدو کھاہِ ۔۔92۔۔

(کاگا=ہے کاں، چونڈِ ن=ناہ ٹھونگ، پنجرہ=
سکا ہویا سریر، بسے=وسّ، ت=تاں، جتُ پنجرے=
جس سریر وچ، تدو=اس سریر وچوں)

93

فریدہ گور نمانی سڈُ کرے نگھریا گھرِ آؤ ۔۔
سرپر میتھے آونا مرنہُ ن ڈریاہُ ۔۔93۔۔

(نمانی=وچاری، سڈُ کرے=واج مار رہی
ہے،نگھریا=ہے بے-گھرے جیو، گھرِ=گھر وچ،
سرپر=آخر نوں، میتھے=میرے پاس)

94

اینی لوئنی دیکھدیا کیتی چلِ گئی ۔۔
فریدہ لوکاں آپو اپنی مے اپنی پئی ۔۔94۔۔

(اینی لوئنی=ایہناں اکھاں نال، کیتی=
کتنی ہی،بے انت جیو)

95

آپُ سوارہِ مے ملہہ مے ملیا سکھ ہوئِ ۔۔
فریدہ جے تو میرا ہوئِ رہہہ سبھ جگُ تیرا ہوئِ ۔۔95۔۔

(آپُ=اپنے آپ نوں، مے=میننوں)

96

کندھی اتے رکھڑا کچرکُ بنے دھیرُ ۔۔
فریدہ کچے بھانڈے رکھیئے کچرُ تائی نیرُ ۔۔96۔۔

(کندھی=کنڈھا، رکھڑا=نکا جیہا رکھ،
دھیر=دھیرج، نیرُ=پانی)

97

فریدہ محل نسکھن رہِ گئے واسا آیا تلِ ۔۔
گوراں سے نمانیا بہسنِ روحاں ملِ ۔۔
آکھیں سیکھا بندگی چلنُ اجُ کہ کلِ ۔۔97۔۔

(محل=پکے گھر، نسکھن=سننجے، تلِ=
ہیٹھاں دھرتی وچ، بہسنِ=بیٹھنگیاں،
گوراں نمانیا=ایہہ وچاریاں
قبراں، ملِ=ملّ کے)

98

فریدہ مؤتے دا بنا ایوے دسے جیو دریاوے ڈھاہا ۔۔
اگے دوجکُ تپیا سنیئے ہول پوے کاہاہا ۔۔
اکنا نو سبھ سوجھی آئی اکِ پھردے ویپرواہا ۔۔
عمل جِ کیتیا دنی وچِ سے درگہ اوگاہا ۔۔98۔۔

(ایوے=ایوں، ڈھاہا=کنارہ، ہول=رولا،
کاہاہا=ہاہاکار، دوجک=نرک، اکِ=کئی
جیو، اوگاہا=گواہ)

99

فریدہ دریاوے کنھے بگلا بیٹھا کیل کرے ۔۔
کیل کریندے ہنجھ نو اچنتے باج پئے ۔۔
باج پئے تسُ رب دے کیلاں وسریاں ۔۔
جو منِ چتِ ن چیتے سنِ سو گالی رب کیاں ۔۔99۔۔

(کنے=کنڈھے تے، کیل=کلول، ہنجھ=
ہنس جیہا چٹا بگلا، اچنتے=
اچن-چیت، تسُ=اس نوں، وسریاں=
بھلّ گئیاں، منِ=من وچ، چیتے
سنِ=یاد سن، گالی=گلاں)

100

ساڈھے ترے من دیہری چلے پانی انِ ۔۔
آئیو بندہ دنی وچِ وتِ آسونی بنھ ۔۔
ملکل مؤت جاں آوسی سبھ دروازے بھنِ ۔۔
تنھا پیاریا بھائیاں اگے دتا بنھ ۔۔
ویکھہُ بندہ چلیا چہُ جنیا دے کنھِ ۔۔
فریدہ عمل جِ کیتے دنی وچِ درگہ آئے کمّ ۔۔100۔۔

(دیہری=سوہنا سریر، چلے=تردا ہے، انِ=
انّ نال، وتِ=مڑ مڑ کے، آسونی=نکی
جہی آس، ملکل مؤت=موت دا فرشتہ، کنھِ=
موڈھے تے، آئے کمّ=کم وچ آئے)

101

فریدہ ہؤ بلہاری تنھ پنکھیا جنگلِ جنھا واسُ ۔۔
ککرُ چگنِ تھلِ وسنِ رب ن چھوڈنِ پاسُ ۔۔101۔۔

(ہؤ=میں، بلہاری=قربان، ککرُ=
کنکر،روڑ، تھلِ=بھئیں اتے، رب پاسُ=
ربّ دا آسرا)

102

فریدہ رتِ پھری ونُ کمبیا پت جھڑے جھڑِ پاہِ ۔۔
چارے کنڈا ڈھونڈھیا رہنُ کتھاؤُ ناہِ ۔۔102۔۔

(پھری=بدل گئی ہے، ونُ=جنگل،جنگل دے رکھ،
رہنُ=تھرتا، کتھاؤُ=کتے بھی)

103

فریدہ پاڑِ پٹولا دھج کری کمبلڑی پہریؤ ۔۔
جنھی ویسی سہُ ملے سیئی ویسُ کریؤ ۔۔103۔۔

(پاڑِ=پاڑ کے، پٹولا=چنی،پٹّ
دا کپڑا، دھج=لیراں، کمبلڑی=ماڑی
جہی کمبلی، جنھی ویسی=جنہاں ویساں
نال، سہُ=خصم)

104
م: 3

کائ پٹولا پاڑتی کمبلڑی پہریئ ۔۔
نانک گھر ہی بیٹھیا سہُ ملے جِ نیئتِ راسِ کرےئِ ۔۔104۔۔

(کائ=کس واسطے، پہریئ=پہندی ہے،
راسِ=چنگی،صاف )

105
م: 5

فریدہ گربُ جنھا وڈیائیا دھنِ جوبنِ آگاہ ۔۔
خالی چلے دھنی سیؤ ٹبے جیو میہاہُ ۔۔105۔۔

(وڈیائیا گربُ=وڈیائیاں دا
مان، دھنِ=دھن دے کارن، جوبنِ=
جوانی دے کارن، آگاہ=بے انت،
دھنی=ربّ، پرماتما، سیؤ=توں،
میہاہُ=مینہہ توں)

106

فریدہ تنا مکھ ڈراونے جنا وساریونُ ناؤ ۔۔
ایتھے دکھ گھنیریا اگے ٹھؤر ن ٹھاؤ ۔۔106۔۔

(ایتھے=اس جیون وچ، گھنیریا=گھنیرے،
بہت، ٹھؤر ن ٹھاؤ=رہن دی تھاں)

107

فریدہ پچھل راتِ ن جاگیوہِ جیودڑو مئیوہِ ۔۔
جے تے ربُ وسریا ت ربِ ن وسریوہِ ۔۔107۔۔

(پچھلِ راتِ=امرت ویلے، ن
جاگیوہِ=توں نہیں جاگیا،
مئیوہِ=توں مویا، تے=
توں)

108
م:5

فریدہ کنتُ رنگاولا وڈا ویمہتاجُ ۔۔
اﷲ سیتی رتیا ایہہ سچاواں ساجُ ۔۔108۔۔

(کنتُ=خصم،پرماتما، رنگاولا=
سوہنا، اﷲ سیتی=ربّ نال، ساجُ=بنتر،
روپ، سچاواں=سچ والا، ایہہ ساجُ=
ایہہ روپ)

109
م:5

فریدہ دکھ سکھ اکُ کرِ دل تے لاہِ وکارُ ۔۔
اﷲ بھاوے سو بھلا تاں لبھی دربارُ ۔۔109۔۔

(اکُ کرِ=اک سامان کر، وکارُ=
پاپ، تے=توں، اﷲ بھاوے=ربّ نوں
چنگا لگے، دربارُ=ربّ دی درگاہ)

110
م:5

فریدہ دنی وجائی وجدی توں بھی وجہِ نالِ ۔۔
سوئی جیؤ ن وجدا جسُ الہُ کردا سار ۔۔110۔۔

(دنی=دنیاں،دنیاں دے لوک،
وجائی=مایہ دی پریری ہوئی،
سار=سنبھال، الہُ=پرماتما)

111
م:5

فریدہ دلُ رتا اسُ دنی سیؤ دنی ن کتے کمّ ۔۔
مثل فقیراں گاکھڑی سو پائیٔے پور کرمِ ۔۔111۔۔

(رتا=رنگیا ہویا، دنی=دنیاں،
مایہ، کتے کمّ=کسے کم وچ،
مثل فقیراں=فقیراں والی رہنی، گاکھڑی=
اوکھی، پور کرمِ=پوری قسمت نال)

112

پہلے پہرے پھلڑا پھلُ بھی پچھا راتِ ۔۔
جو جاگنھِ لہنّ سے سائی کنو داتِ ۔۔112۔۔

(پھلڑا=سوہنا جیہا پھلّ، پچھا راتِ=
امرت ویلے، جاگنِ=جاگن، لہنّ=
حاصل کردے ہن، کنو=پاسوں)

113

داتی صاحب سندیا کیا چلے تسُ نالِ ۔۔
اکِ جاگندے نہ لہنھِ اکنھا ستیا دیئ اٹھالِ ۔۔113۔۔

(داتی=بخششاں، لہنھِ=لیندے)

114

ڈھوڈھیدیئے سہاگ کوُ تؤ تنِ کائی کور ۔۔
جنھا ناؤ سوہاگنی تنھا جھاک ن ہور ۔۔114۔۔

(کوُ=نوں، تؤ تنِ=تیرے اندر، کور=گھاٹ،
کائی=کوئی، جھاک=آس،ٹیک)

115

صبر منجھ کمان اے سبرُ کا نیہنو ۔۔
صبر سندا بانُ کھالکُ خطا ن کری ۔۔115۔۔

(منجھ=من وچ، صبر کمان=صبر دی
کمان، نیہنو=چلا، سندا=دا،
بانُ=تیر، خطا ن کری=وارتھ نہیں
جان دیندا)

116

صبر اندرِ صابری تن ایوے جالینھِ ۔۔
ہونِ نجیکِ خدائِ دے بھیتُ ن کسےَ دینِ ۔۔116۔۔

(صابری=صبر والے بندے، ایوے=اسے
طرحاں، تنُ جالینھِ=سریر نوں ساڑدے
ہن، ہونِ=ہندے ہن، نجیکِ=نیڑے،
کسےَ=کسے نوں)

117

صبر ایہہ سوآؤ جے توں بندہ دڑُ کرہِ ۔۔
ودھِ تھیوہِ دریاؤ ٹٹِ ن تھیوہِ واہڑا ۔۔117۔۔

(سوآؤ=سارتھ، نشانہ، دڑُ=پکا،
ودھِ=ودھ کے، تھیوہِ=ہو جاہنگا، واہڑا=
نکا جیہا وہن، ٹٹِ=ٹٹّ کے،گھٹ کے)

118

فریدہ درویسی گاکھڑی چوپڑی پریتِ ۔۔
اکنِ کنے چالیئ درویساوی ریتِ ۔۔118۔۔

(گاکھڑی=اوکھی، درویسی=فقیری،
چوپڑی=وکھاوے دی، اکنِ کنے=
کسے ورلے نے، چالیئ=چلائی ہے،
درویساوی=درویشاں والی)

119

تن تپے تنور جیو بالنُ ہڈ بلنھِ ۔۔
پیری تھکاں سرِ جلاں جِ موں پری ملنھِ ۔۔119۔۔

(بلنِ=بلن، تھکاں=جے میں تھکّ جاواں،
سرِ—سر نال، جلاں=میں تراں، موں=
مینوں، پری=پیاری ربّ دی، ملنِ=ملن)

120
(م: 1)

تن ن تپائ تنور جیو بالنُ ہڈ ن بالِ ۔۔
سرِ پیری کیا پھیڑیا اندرِ پری نہالِ ۔۔120۔

(سرِ=سر نے، پیری=پیراں نے، پھیڑیا=
وگاڑیا ہے، نہالِ=ویکھ)

121
(م: 4)

ہؤ ڈھوڈھیدی سجنا سجنُ میڈے نالِ ۔۔
نانک الکھ ن لکھیئے گرمکھ دیئ دکھالِ ۔۔121۔۔

(میڈے نالِ=میرے نال، الکھ=لچھنہین،
دیئ دکھالِ=وکھا دیندا ہے)

122
(م:3)

ہنسا دیکھِ ترندیا بگا آیا چاؤ ۔۔
ڈبِ موئے بگ بپڑے سرُ تلِ اپرِ پاؤ ۔۔122۔۔

(بگا=بگلیاں نوں، بپڑے=وچارے، تلِ=ہیٹھاں)

123
(م:3)

مے جانیا وڈ ہنسُ ہے تاں مے کیتا سنگُ ۔۔
جے جانا بگُ بپڑا جنمِ بھیڑی انگُ ۔۔123۔۔

(وڈہنسُ=وڈا ہنس، جے جانا=جے مینوں پتہ
ہندا، جنمِ=ساری عمر، ن بھیڑی=نہ
چھنہدی)

124
(م:1)

کیا ہنسُ کیا بگلا جا کؤ ندرِ دھرے ۔۔
جے تسُ بھاوے نانکا کاگہُ ہنسُ کرے ۔۔124۔۔

(کیا=بھاویں، جا کؤ=جس اتے، ندرِ=
مہر دی نظر، تسُ=اس پربھو نوں، کاگہُ=
کاں توں)

125

سرور پنکھی ہیکڑو پھاہیوال پچاس ۔۔
ایہہ تنُ لہری گڈُ تھیا سچے تیری آس ۔۔125۔۔

(سرور=تلاب دا، ہیکڑو=اکلا، گڈُ
تھیا=پھس گیا ہے، لہری=لہراں وچ)

126

کونُ سو اکھرُ کونُ گنُ کونُ سو منیا منتُ ۔۔
کونُ سو ویسو ہؤ کری جتُ وسِ آوے کنتُ ۔۔126۔۔

(منیا=شرومنی، ہؤ=میں، جتُ=جس ویس
نال، وسِ=وسّ وچ)

127

نونُ سو اکھر کھونُ گنُ جہبا منیا منتُ ۔۔
اے ترے بھینے ویس کرِ تاں وسِ آوی کنتُ ۔۔127۔۔

(کھونُ=سہارنا، جہبا=مٹھی جیبھ)

128

متِ ہودی ہوئِ ایانا ۔۔ تان ہودے ہوئِ نتانا ۔۔
انہودے آپُ ونڈائے ۔۔ کو ایسا بھگتُ سدائے ۔۔128۔۔

(متِ=عقل، ہوئِ=بنے، تانُ=
طاقت، انہودے=جدوں کجھ بھی
دین جوگا ناہ ہووے، سدائے=
اکھوائے)

129

اکُ پھکا ن گالائ سبھنا مہہ سچا دھنی ۔۔
ہیاؤ ن کیہی ٹھاہِ مانک سبھ امولوے ۔۔129۔۔

(گالائ=بول، اکُ=اک بھی بچن، دھنی=
مالک، ہیاؤ=ہردا، کیہی=کسے دا
بھی، ٹھاہِ=ڈھاہ، مانک=موتی)

130

سبھنا من مانک ٹھاہنُ مولِ مچانگوا ۔۔
جے تؤ پریا دی سک ہیاؤ ن ٹھاہے کہی دا ۔۔130۔۔

(ٹھاہنُ=ڈھاہنا، مولِ=اکا ہی،
مچانگوا=چنگا نہیں، تؤ=تینوں)


نوٹ= سری گورو گرنتھ صاحب وچّ درج 130 سلوکاں وچوں 18
سلوک سکھو گورو صاحباں دے ہن ۔ ایہناں وچوں 4 (32،113،
120،124) گورو نانک دیوَ جی دے، 5 (13،52،104،122،
123) گورو امر داس جی دے، 1 (121) گورو رام داس جی
دا، 8 (75،82،83،105،108 توں 111) گورو ارجن دیوَ
جی دے ہن ۔