ਸਰਬਜੀਤ ਕੌਰ ਜੱਸ
Sarabjit Kaur Jass
ਸਰਬਜੀਤ ਕੌਰ ਜੱਸ (੨੦ ਨਵੰਬਰ ੧੯੭੭-) ਦਾ ਜਨਮ ਪਿਤਾ ਸ. ਹਰਦਿੱਤ ਸਿੰਘ ਅਤੇ ਮਾਤਾ ਕੁਲਵਿੰਦਰ ਕੌਰ ਦੇ ਘਰ ਪਿੰਡ ਸ਼ਹਿਜ਼ਾਦਾ ਸੰਤ ਸਿੰਘ, ਤਹਿ. ਜ਼ੀਰਾ, ਜ਼ਿਲ੍ਹਾ-ਫ਼ਿਰੋਜ਼ਪੁਰ ਵਿੱਚ ਹੋਇਆ। ਹੁਣ ਉਹ ਘੁੰਮਣ ਨਗਰ, ਸਰਹਿੰਦ ਰੋਡ, ਪਟਿਆਲਾ ਵਿਖੇ ਰਹਿ ਰਹੇ ਹਨ। ਉਨ੍ਹਾਂ ਦੀ ਵਿਦਿਅਕ ਯੋਗਤਾ ਐੱਮ.ਏ. ਪੰਜਾਬੀ, ਬੀ.ਐੱਡ. ਹੈ ਅਤੇ ਕਿੱਤੇ ਵਜੋਂ ਆਪ ਅਧਿਆਪਕ ਹਨ। ਉਨ੍ਹਾਂ ਦੀਆਂ ਛਪ ਚੁੱਕੀਆਂ ਪੁਸਤਕਾਂ ਵਿੱਚ ਕਾਵਿ ਪੁਸਤਕਾਂ 'ਬਲਦੀਆਂ ਛਾਵਾਂ' (੨੦੦੭), 'ਰਾਹਾਂ ਦੀ ਤਪਸ਼' (੨੦੧੨) ਅਤੇ 'ਸ਼ਬਦਾਂ ਦੀ ਨਾਟ ਮੰਡਲੀ' (੨੦੧੬) ਸ਼ਾਮਿਲ ਹਨ। ਉਨ੍ਹਾਂ ਨੂੰ 'ਰਾਹਾਂ ਦੀ ਤਪਸ਼' ਲਈ ਭਾਸ਼ਾ ਵਿਭਾਗ ਪੰਜਾਬ ਵੱਲੋਂ ਸਰਵੋਤਮ ਪੁਸਤਕ ਪੁਰਸਕਾਰ (੨੦੧੩) ਦਿੱਤਾ ਗਿਆ। ਉਨ੍ਹਾਂ ਦੀਆਂ ਕਈ ਕਵਿਤਾਵਾਂ ਦੇ ਹੋਰ ਭਾਸ਼ਾਵਾਂ ਵਿੱਚ ਵੀ ਅਨੁਵਾਦ ਹੋਏ ਹਨ।