پنجابی کافیاں ٹہکن داس
1. لوں لوں وچِ وسدی ہے
لوں لوں وچ وسدی ہے،
اکھیں ناہیں دسدی ہے،
چکھ ن دکھالی نی،
میں انگُ انگُ سیتی ہے ۔1۔رہاؤ۔
پچھنِ سہیلیاں نی ہوئکے اکیلیاں،
آکھِ دیکھاں ویدن تینوں،
بنی ہے کہ بیتی ہے ۔1۔
آکھاں کی سہیلیہو نی،
آکھن دی گلّ تینوں،
بیناں وچِ آوہِ ناہیں،
نیناں لکھ لیتی ہے ۔2۔
'ٹہکن' بہاری آوے،
وچھوڑے دی پیڑ پاوے،
نیہُ دی انوکھی گال،
جانے جےَ سہیتی ہے ۔3۔
(راگ جیجاونتی)
(بیتی=ہڈّ-بیتی، سہیتی=
سہاری)
2. اکو وہڑھا، اکو راہُ
اکو وہڑھا، اکو راہُ،
ملنے دا لگے نہیں داؤ،
نیڑے دا سنیہا مینوں،
سونے وانگوں گالدا ۔1۔رہاؤ۔
مندیاں گوانڈھنی،
کوئی آوہِ نہیں گانڈھنی،
آکھِ کے سنائی کینوں،
بھیتی نہیں حالَ دا ۔1۔
'ٹہکن' بہاری ہاری،
جندُ جان میں تیتھوں واری،
گھنّ کے گیا سی کوئی،
خیالُ پیارے لالُ دا ۔2۔
(راگ تلنگ)
(گانڈھنی=سہیلی)
3. سنِ ری سہیلی
سنِ ری سہیلی گل ہوئکے اکیلی
میرا گوکل دا بیلی تیرا میلی کر دینی ہاں ۔
جینوں برج ناریاں جھاکدیاں نی وارو واری
تیرے کارن راتِ دہیں منت کرینی ہاں ۔
دوویں تسیں ہو سیانے، لوڑہُ من دے بھانے
مانا توں منینی وچ تانا میں تنینی ہاں ۔
'ٹہکن' بہاری لال جوبن گمان بھریو
بھجن دا ناہیں کتے بھاوے نال بھیننی ہاں ۔
(راگ بلاول)
| |
