Kesar Karamjit ਕੇਸਰ ਕਰਮਜੀਤ

ਕੇਸਰ ਕਰਮਜੀਤ ਦਾ ਜਨਮ ਨਵੰਬਰ 1956 ਈਸਵੀ ਵਿੱਚ ਪਿੰਡ ਧਨੌਲਾ ਜ਼ਿਲ੍ਹਾ ਬਰਨਾਲਾ ਵਿਖੇ ਪਿਤਾ ਸ਼੍ਰੀ ਸੰਤ ਰੇਣੂ ਅਤੇ ਮਾਤਾ ਸ੍ਰੀਮਤੀ ਤੇਜ ਕੌਰ ਦੇ ਘਰ ਹੋਇਆ। ਕਰਮਜੀਤ ਦੀ ਵਿਦਿਅਕ ਯੋਗਤਾ ਐਮ.ਐਸ.ਸੀ (ਜੂਓਲੋਜੀ), ਐਮ.ਏ.(ਪੰਜਾਬੀ) ਅਤੇ ਬੀ.ਐੱਡ ਤੱਕ ਦੀ ਹੈ ਅਤੇ ਉਹ ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਤੋਂ ਬਤੌਰ ਲੈਕਚਰਾਰ (ਬਾਇਓਲੋਜੀ) ਸੇਵਾ ਮੁਕਤ ਹਨ ਅਤੇ ਅੱਜਕਲ੍ਹ ਆਸਟ੍ਰੇਲੀਆ ਵਿਖੇ ਪੱਕੇ ਤੌਰ ਤੇ ਰਹਿ ਰਹੇ ਹਨ।
ਕੇਸਰ ਕਰਮਜੀਤ ਦਾ ਪਹਿਲਾ ਗ਼ਜ਼ਲ ਸੰਗ੍ਰਹਿ 'ਦਿਨ ਢਲੇ' (2023) ਵਿਚ ਅਤੇ ਦੂਜਾ ਗ਼ਜ਼ਲ ਸੰਗ੍ਰਹਿ 'ਨਦੀਏ ਤੇਰਾ ਕੀ ਸਿਰਨਾਵਾਂ' (2025) ਵਿੱਚ ਪ੍ਰਕਾਸ਼ਿਤ ਹੋਇਆ ਹੈ । ਇਸ ਤੋਂ ਪਹਿਲਾਂ ਉਸਦੀਆਂ ਰਚਨਾਵਾਂ ਮੈਗਜੀਨਾਂ/ਰਸਾਲਿਆਂ ਵਿਚ ਵੀ ਪ੍ਰਕਾਸ਼ਿਤ ਹੁੰਦੀਆਂ ਰਹੀਆਂ ਹਨ। ਕਰਮਜੀਤ ਨੂੰ ਸ਼ਾਇਰੀ ਕਰਨ ਦਾ ਅਮਲ ਵੰਸ਼ਕ ਰੂਪ ਵਿਚ ਪ੍ਰਾਪਤ ਹੋਇਆ ਹੈ ਕਿਉਂਕਿ ਉਨ੍ਹਾਂ ਦੇ ਪਿਤਾ ਸਵਰਗੀ ਸ਼੍ਰੀ ਸੰਤ ਰੇਣ “ਰੇਣ” (ਪੰਜਾਬ ਸਿਹਤ ਵਿਭਾਗ ਵਿਚ ਵੈਦ) ਪੰਜਾਬੀ ਦੇ ਕਵੀ ਸਨ, ਜਿਨਾਂ ਦਾ ਇਕ ਕਾਵਿ ਸੰਗ੍ਰਹਿ 'ਤਿੱਲ ਫੁੱਲ' ਵੀ 1956 ਪ੍ਰਕਾਸ਼ਿਤ ਹੋਇਆ ਹੈ । ਕੇਸਰ ਨੂੰ ਕਵਿਤਾ ਦੀ ਪ੍ਰਾਪਤੀ ਨਿਰੋਲ ਵੰਸ਼ ਰੂਪ ਵਿੱਚ ਨਹੀਂ ਬਲਕਿ ਉਸਦੇ ਆਪਣੇ ਅਭਿਆਸ, ਅਨੁਭਵ ਅਤੇ ਮਿਹਨਤ ਦਾ ਵੀ ਫ਼ਲ ਹੈ। ਉਹ ਸ੍ਰੀ ਕ੍ਰਿਸ਼ਨ ਭਨੋਟ ਗ਼ਜ਼ਲ ਸਕੂਲ ਦੇ ਸਿੱਖਿਆਰਥੀ ਹਨ ।